Fréttir

Í Skagafirði er hópur Skota sem þiggur og veitir góð ráð í minjavörslu og menningarferðamennsku. Hópurinn er hér á vegum Fornverkaskólans og er kostaður af styrk frá Menntaáætlun Evrópusambandsins. Þetta er þriðji sex manna hópurinn sem kemur frá Skotlandi á jafn mörgum árum til að skoða hvernig og hvað við gerum í Skagafirði.

Helgina 3.-5. maí stendur yfir vefnaðarnámskeið á vegum Byggðasafns Skagfirðinga og Fornverkaskólans. Námskeiðið er haldið í Auðunarstofu, á Hólum í Hjaltadal.

Nú má lesa flestar útgefnar rannsóknarskýrslur Byggðasafnsins á Gagnabanka hér á heimasíðu safnsins.

Dagana 19.-20. mars 2013 var Evrópuverkefninu LoCloud Best Practice Network formlega hleypt af stokkunum á Þjóðskjalasafni Noregs í Ósló. Á fundinn mættu 32 samstarfsaðilar frá 28 mismunandi löndum til að kynna, skipuleggja og ræða starfsemi verkefnisins sem er til þriggja ára. Efni frá litlum og meðalstórum stofnunum í Evrópu, svo sem söfnum og skjalasöfnum, er að miklu leyti óaðgengilegt á stafrænu formi. Tækni sem byggir á notkun hinna svokölluðu tölvuskýja gæti boðið upp á ódýra og notandavæna lausn til að gera efni þessara aðila aðgengilegt á netinu. LoCloud verkefnið miðar að því að þróa tölvuský og þjónustumiðstöðvar (e. help center) til að hjálpa litlum og meðalstórum stofnunum við að safna saman stafrænum gögnum og gera þau aðgengileg á netinu í gegnum Europeana.eu, European Library, Museum and Archive. Minjastofnun Íslands er samstarfsaðili í LoCloud verkefninu og óskaði eftir þátttöku Byggðasafnsins sem mun leggja til efni úr rannsóknum og taka þátt í að prófa og meta notkunarmöguleika tölvuskýsins. Það efni sem verður notað í verkefninu eru stafræn gögn úr byggðasögurannsóknum sem nefndar hafa verið Eyðibyggð og afdalir Skagafjarðar en starfsmenn Byggðasafnsins hafa unnið að þeim á undanförnum árum ásamt riturum Byggðasögu Skagafjarðar. LoCloud verkefninu lýkur í árslok 2015 og er ætlunin að þá verði aðgangur að þessum rannsóknum aðgengilegur almenningi á netinu.

Safnið auglýsir eftir sumarstarfmönnum fyrir tímabilið 20. maí til 20. september.

Safnaráð hefur úthlutað styrkjum til verkefna og reksturs viðurkenndra safna. Byggðasafn Skagfirðinga hlýtur 3,2 millj. kr. úr safnasjóði á árinu 2014.

Húsafriðunarsjóður hefur úthlutað styrkjum fyrir árið 2014. Byggðasafn Skagfirðinga fékk 1, 3 millj. kr. styrki til þriggja verkefna frá honum. Fornminjasjóður veitir tveimur verkefnum brautargengi, samtals um 800 þús. kr.

Ársskýrslan fyrir 2013 er komin út og hægt að lesa hana á gagnabankanum.

Sumarið 2013 var áframhald á skráningu fornleifa sem eru í hættu vegna landbrots af völdum sjávar, á austurströnd Skagafjarðar. Á síðustu áratugum virðist landbrot á austurströnd fjarðarins hafa aukist en engin heildarúttekt hefur farið fram á fornleifum sem kunna að vera í hættu vegna þessa.

Byggðasafn Skagfirðinga hefur fengið viðurkenningu frá Safnaráði.