Fréttir

Dagana 31, mars til 1. apríl heldur Iðan fræðslusetur námskeið fyrir húsasmiði og áhugasamt fólk um húsvernd, á Sauðárkróki.

Frostlaus jörð og blíðviðri undanfarinna daga gaf tækifæri, sem sjaldan hefur gefist og verður notað þar til frystir, til að rista torf og hlaða úr því.

Út er komin fimmta af fimm skýrslum um skráningu strandminja í Skagafirði. Þar með hefur öll strandlengja Skagafjarðar verið skráð.

Safnið hefur gefið út rit um þrif og þvotta í torfbæjum. Ritið byggist á margra ára rannsóknum á aðstæðum í torfhúsum, áhöldum og tiltæku efni til þrifa og þvotta fyrr á tíð. Hægt er að panta ritið á netfangi safnsins: bsk@skagafjordur.is.

Á árinu 2016 varð mikil fjölgun safngesta bæði i Minjahúsinu á Sauðárkróki, þar sem tala þeirra næstum tvöföldaðist, og í gamla bænum í Glaumbæ. Samtals komu 49.520 manns á þessa tvo sýningarstaði safnsins.

Starfsfólk Byggðasafns Skagfirðinga óskar öllum gleðilegra jóla og gæfuríks árs 2017.

Aðgangseyrir á sýningu safnsins í gamla bænum í Glaumbæ verður 1200 kr. fyrir hópa árið 2017. Frítt verður fyrir börn að 17 ára aldri og 1600 kr. fyrir einstaklinga 18 ára og eldri.

Sumarið var fljótt að líða og nú er kominn vetur. Við þökkum gestum okkar fyrir komuna í Glaumbæ, í Víðimýri og í Minjahúsið á Sauðárkróki.

Í vetur verður Kathryn Catlin, Kat, hjá okkur á Byggðasafninu að stunda rannsóknir sínar á skagfirskum fornleifum. Hún er fyrsti doktorsneminn sem fær aðstöðu til fræðistarfa á safninu og bjóðum við hana hér með velkomna í hópinn.

Í dag minnumst við Marks Watsons, sem fæddist þennan dag 18. júlí árið 1906. Watson var mikill áhugamaður um íslenska fjárhundinn og hóf ræktun á honum á sjötta áratug 20. aldar. Afmælisdagur hans hefur verið tileinkaður íslenska fjárhundinum. Sá hinn sami Mark Watson gaf 200 sterlingspund árið 1938 til að hægt væri að viðhalda gamla torfbænum í Glaumbæ.