31.12.2023
Áramótakveðja og annáll ársins 2023 - rúmlega 69 þúsund gestir á árinu
Við óskum landsmönnum öllum gleðilegs nýs árs og þökkum gestum, samstarfsfólki og velunnurum fyrir árið sem var að líða. Starfsfólk Byggðasafns Skagfirðinga hefur haft í nógu að snúast enda gestafjöldinn aldrei verið meiri en safnið tók á móti 69.060 manns árinu. Það eru 5.893 fleiri gestir en heimsóttu safnið í fyrra en þá tók starfsfólk safnsins á móti 63.167 manns.