Starfsemi safnsins er í nokkrum húsum að Glaumbæ á Langholti. Megin sýning Byggðasafns Skagfirðinga Mannlíf í torfbæjum á 19. öld er í gamla torfbænum í Glaumbæ (til vinstri á myndinni) sem er í Húsasafni Þjóðminjasafns Íslands. Í húsinu frá Ási í Hegranesi (lengst t.h. á myndinni) er kaffistofa safnsins og sýningarnar Hver var konan?, Vélvæðing handverks og sýning um Bólu-Hjálmar. Í Gilsstofunni (fyrir miðju á myndinni) eru sýningarnar Briemstofa, saga Gilsstofunnar og Hér stóð bær.
Miðasala og safnbúð er í Garðsenda, litlu húsi við innganginn að safnsvæðinu (t.v. hér fyrir neðan). Skrifstofur safnsins eru í prestssetrinu norðan við Glaumbæjarkirkju (fyrir miðju hér fyrir neðan). Víðimýrarkirkja, sem er í Húsasafni Þjóðminjasafns Íslands og Byggðasafnið rekur, er opin til sýnis yfir sumartímann (t.h. hér fyrir neðan).
