Fréttir

Nú er runninn upp sá tími ársins þegar flestum styrkjum er úthlutað. Húsafriðunarnefnd hefur tilkynnt um tvo styrki til safnsins, samtals 1,5 millj. kr. og Uppbyggingarsjóður Norðurlands vestra sömuleiðis tvo styrki samtals 850 þús. kr. Forninjasjóður ætlar að styrkja safnið um 4,3 millj. kr. og Safnasjóður um 2,3 millj. kr.

Ársskýrslan fyrir 2015 er komin inn á gagnabankann, hér á heimasíðu safnsins

Safnið auglýsir eftir sumarstarfsmönnum í safn- og staðarvörslu.

Safnsýningar í Glaumbæ og Áshúsi eru opnar 12-16 sunnudaga, 9-16 mánudaga, þriðjudaga og miðvikudaga í vetur. Áskaffi er opið 12-16 sunnudaga - fimmtudaga.

Rannsóknaskýrslur sem unnar hafa verið á árinu 2015 eru birtar á gagnabanka heimsíðunnar jafnóðum og þær koma út.

Kl. 16 sunnudaginn 20. desember bjóða starfsmenn safnsins gestum að ganga í gamla bæinn í Glaumbæ eitt stundarkorn og njóta þess að vera til og hlakka til jólanna. Þetta er í 20. árið sem starfsmenn bjóða gestum að ganga með sér í bæinn og í tilefni af þvi mun hefðin aðeins brotin upp. Enginn aðgangseyrir.

Allar safnsýningarnar eru nú opnar eftir samkomulagi en sunnudaginn 20. desember verður gamli bærinn í Glaumbæ opinn 16-17 fyrir rökkurgöngu.

Miklar annir hafa verið hjá starfsmönnum safnsins í allt sumar og framundan er úrvinnsla gagna og skýrsluskrif, Fornverkaskólanámskeið á Tyrfingsstöðum, fornleifaskráningar, móttaka gesta, rannsókir, ljósmyndun safnmuna, skráning ljósmynda, fjárhagsgerð, styrkjaumsóknir og allt það sem tilheyrir haustinu.

Í síðustu viku hófst uppgröftur á 11 aldar kristnum grafreit í Keflavík í Hegranesi en á næstu vikum verða um 20 manns við fornleifa- og jarðfræðirannsóknir víða í Hegranesi. Rannsóknunum stýra Guðný Zoëga, John Steinberger og Douglas Bolender. Þau eru í forsvari fyrir Skagfirsku kirkju- og byggðasögurannsókninnni (Skagafjörður Church and Settlement Survey - SCASS), sem er samstarfsverkefni Byggðasafns Skagfirðinga og University of Massachusetts í Boston / The Fiske Center for Archaeological Research. SCASS-verkefnið felst í að samnýta rannsóknir safns og skóla til að öðlast betri skilning á búsetulandslagi á fyrstu öldum byggðar og varð Hegranesið fyrir valinu sem rannsóknarefni.

Uppbyggingarsjóður hefur tilkynnt um styrki til útgáfu rits um þrifnaðarhætti í torfbæjum sem unnið er að og til námskeiða Fornverkaskólans.